James

1955 kha a ni a, lemchan khawvela a hming a chher vanglai takin Warner Bros nen kum 6 chhung contract an ziak dun a. Kum 24-a upa, tha za lai Jimmy-a khan a lawm em em lirthei hmanga intlansiak erawh a la bansan thei lo. Studio lamin an hriat hlau takin intlansiaknaah a rukin a lo tel \hin a ni. Hetia a ruka a intlansiak kher nachhan hi Studio lama hotuten an star lar thar chetsual mai an hlauh vang a ni.

Santa Barbara, Palm Spring kawi tin mai hi a hre bel hle ni awm e. Jimmy hi a thil tih tawh atchilh tlat a ni reuh va, bongo leh guitar han tum velte pawh hi a tui em em a, heng zawng zawng zinga a sim theih loh chu car intlansiaka tel hi a ni.

Hemi kum vek May thla hian a hmalam hun zel atana chona lian tak siamsaktu a tawng ta, Warner Bros. superstar duhawm tak chuan Giant film-ah Jett-a lemah a chang a. Jimmy chu Texas cowboy tuialhthei hmuhchhuah avanga hausa ta thut lemah a chang a ni. He film an shoot hma hian a thawnthu uluk takin a chhiar a, a film chanpui tur Rock Hudson leh Elizabeth Taylor-te mizia pawh rei fe a zir tel bawk. Chumai a la ni lo, Rock Hudson-a \hianpa Bob Hinkle, Texas mi leh sa hnen a\ang chuan Texan khawsak dan leh \awng dan thlengin a lo inzir lawk diam a ni! Midang, a chanpuite chu incheina pangngai veka an incheilaiin a ni erawh chuan Texan an loh hlauvin jeans leh boot nen a in\am ap thung.
Giant film-a a part pek hian lemchan khawvelah a vawrh sang hle a. He film-ah hian Elizabeth Taylor leh Rock Hudson-te hian a part pawimawh ber an chanlaiin ani hian a larpui ta ber a ni.